İstanbuldaki Beşiktaş rayonında yerleşken Vodafone Arena futbol stadionı yanında yüz bergen eki patlav neticesinde eñ azdan 38 kişi, bu cümleden 30 politsiya hadimi, elâk oldı. Daa 160 adam yaralandı.
Politsiyanıñ haber etkenine köre, ilk malümatlarğa binaen, patlavlar, RPK taqımınıñ kürd separatistleri tarafından yapılğan. Ükümet, devlette milliy matem ilân etti.
İçki işler naziri Suleyman Soylu bundan evel bildirdi ki, ücüm maqsadı politsiya hadimleri edi. Onıñ sözlerine köre, 10 şeklenilgen adam yaqalandı.
Dekabr 10-da «Beşiktaş» futbol taqımınıñ stadionı yanında maşna patladı.
Patlav, «Beşiktaş» taqımınıñ «Bursaspor» ile matçı yekünlengeninden eki saat keçken soñ, stadiondan «Bursaspor» mühlisleri çıqqan yerde yüz berdi.
Bundan soñ belli oldı ki, ekinci patlav yanındaki bağçada yanğıradı, onı özüni öldürgen insan yaptı.
Ükümetniñ malümatına binaen, maşnadaki patlatıcı alet, uzaqtan idare etilip, işke tüşürildi.
