Aqmescit şeeriniñ Kiyev rayon Taqiqat komiteti tarafından Rusiye Federatsiyasınıñ Cinaiy Kodeksiniñ 109-nci maddesi boyunca (insan mütehassıs öz vazifesini kerekli derecede becermegeni sebebinden vefat etkeni) cinaiy iş açıldı.
Bu aqta qırım taqiqat komitetinde bildirdiler.
Hatırlatamız, Aqmescitte 29 yaşındaki Zore Suleymanova bala tapıp üçünci künü vefat etti. Zoreniñ sıcağı köterildi, sağ ayağı şişti. Eki künden soñ o, Aqmescitteki 2-ci loqsahane ginekologiya bölügine alıp ketirildi, o yerde sebepler belgilenmedi ve qadın «keskin pielonefrit» diagnozı ile 7-ci şeer hastahanesiniñ urologiya bölügine yollanıldı. 7-ci şeer hastahanesinde, em de 6-cı şeer hastahanesinde, Semaşko adına ve infektsion hastahanelerinde Zore Suleymanovanı qabul etmediler. Loqsağa sıcaq tüşürgen ve ağrı yoq etken ilâc içmege tevsiye etildi.
Aqrabanıñ sözlerine binaen, bundan soñ qadın Semaşko adına hastahaneniñ revmatologiya bölügine yatqızıldı. Çoq vaqıt keçmeden, onıñ alı kerginleşti ve qadın 8 künden soñ vefat etti.
Taqiqat malümatlarına binayen, tibbiy yardım vaqtında kösterilmegeni sebebinden, 29 yaşındaki qadın bala tapqanından bir qaç kün keçken soñ, vefat etti.
