Qırımda Noman Çelebicihannıñ ev-müzeyi dağılmaqta (VİDEO)

16.12.201616:57

Canköy rayonınıñ Kuçuk-Sunaq (Melkovodnoye) köyünde yerleşken Noman Çelebicihannıñ ev-müzeyi dağılmaqta.

Asılında, Qırım halq cumhuriyeti ve Aqrusiye, Poloniya ve Litvaniya tatarlarınıñ müftisi doğıp ösken ev bu yerden eki kilometr uzaqlıqta, yer yüzünden yoq olğan Biyuk-Sunaq köyünde yerleşe edi. Şu sebepten ev-müzeyini qomşu köyde meydanğa ketirmek qararına kelgen ediler. Mahsus şu niyetnen 1999 senesi bu köyde ev satın alınğan edi. Başta mında cemaat erbapları kelip, Noman Çelebicihannıñ hatırasına dualar ötkere ediler.

«Şakir Selim sağ olğanda, mında cemaat toplaşa, qazanlar qaynay, dualar oqula edi»,- dep hatırlay köy sakini Abdureşid Ayvazov.
Soñundan bu ev kelişmey degen fikirge kelip, müzeyni başqa yerde açmaq kerek degen qararğa kelindi. Kuçuk-Sonaqtaki evni ise bir temsil olaraq qaldıracaq ediler. Amma baqılmağan soñ, ev dağılıp başladı.

«Kimsege bir şey kerekmey, mında kimse kelmey. Bir zamanlarda bir qaç erkek kelip mında namaz qıla ediler, endi olar da kelmey», — dey Abdureşid Ayvazov.

Teessüf ki, Noman Çelebicihannıñ hatırasına yañı müzey öyle de açılmadı. Müzey içün toplanğan eksponatlar ise yerli mektepte saqlanmaqta, dep bildire Crimeantatars.club.

dom-nomana-1024x481

Фото аватара

Автор: Редакция Avdet

Редакция AVDET