Ukraina Nazirler kabineti devletniñ eñ büyük bankını, oligarh İgor Kolomoyskiyniñ mülkü olğan «PrivatBanknı» milliyleştirmek qararını aldı.
«Devletniñ yüz faiz mülkiyetine keçirile», – dep aytıla Nazirler kabineti saytındaki beyanatta.
Müessiseniñ malümatına binaen, yañı paydaş – Ukraina – banknıñ işi bölünüvi olmaycağını ve esaplarda para saqlanacağını garantiya ete.
Devletleştirüv «halqara teşkilâtlarnıñ desteginen» keçirile, amma beyanatta bu müessiselerniñ cedveli bildirilmey.
Prezident Petro Poroşenko «PrivatBank» devletleştirilmesi munasebetinen ealige mahsus muracaatnı yazdı.
«İşbu banknıñ işine devletniñ bütün maliy-iqtisadiy vaziyeti bağlıdır – o qadar o büyük ola», – dep ayttı Poroşenko.
Banknı idare etmek içün yüksek ihtisaslı mütehassıslarnıñ yañı taqımı tutuldı, onıñ teşkil etilmesine, bu cümleden, «Avropa rekonstruktsiya ve inkişaf bankı» da qoşuldı.
