Aqyarda deputat parlament toplaşuvında esini coydı

20.12.201615:50

Aqyar Qanun çıqarıcı meclisiniñ umumiy toplaşuvında deputatlarnıñ biri yaramayladı.

Umumiy toplaşuv başlağanından 25 daqqa keçken soñ, nevbetteki qanun leyhası muzakere etilgen vaqıtta deputat Yuriy Kruglov yaramay oldı, dep bildire «Qırım.Aqiqat».

Parlamentariyler toplaşuvnı vaqtınca toqtatmağa mecbur oldı. Kruglovnıñ işdeşleri onı masağa qoydı ve esine qaytardı. Diger deputatlar aynı vaqıtta acele yardımnı çağırdı.

Acele yardım tez keldi, deputatqa ilk tibbiy yardım kösterildi ve 15 daqqadan soñ toplaşuv devam etti. Kruglovnıñ sağlıq alı ve esini coyğanı sebebi şimdilik belli degil.

Author: Редакция Avdet

Avdet gazetası