Bugün, dekabr 21-de Aqmescitte (Simferopol) Yol areketi devlet inspektsiyası (YADİ) yerli sakinler yol areketi qaidelerini nasıl ömürge keçirgenini baqacaq.
YADİ matbuat hızmetiniñ bildirgenine köre, «Piyade» aktsiyası yol areketi qaideleriniñ piyadeler tarafından bozulmasını toqtatmaq içün keçirile. Hadimler eñ qazaiy-telükeli yol çatışmalarında ve cayav keçitlerinde çalışacaq.
Yol areketi qaidelerine binaen, piyadeler yolnı idare etilmegen cayav keçitlerinde tek havfsız olğanında emin olıp ve areket etken maşnalarnıñ suratını ve mesafeni añlağan alda keçe bile.
Bundan da ğayrı, piyadelerge qaranlıq vaqtında yanında yarıq qaytarğan şeylerni tutmağa tevsiye etile. Qırım paytahtınıñ Devlet avto inspektsiyası ava vaziyeti yaramaylaşqanı sebebinden muqayt olmağa çağıra.
