2017 senesi devamında eali içün gaz fiyatları eki kere köterile bile – birinci paalılaşuv yanvar birden olacaq, ekincisi ise, iyül 1-den ola bile.
Bu aqta «Krım 24» telekanalınıñ yayınında Qırım Cumhuriyeti Fiyatlar ve tarifler boyunca Devlet komitetiniñ reisi Nina Zotoviç bildirdi.
«Bir yıl devamında eki kere fiyatnı deñiştirmek aqqımız bar, amma, belki de, bu aqnı qullanmaycaqmız. Eger teşkersek, gaznen temin etken işhane boyunca masraflar ekspertizasını keçirip, para yeterli olğanını körsek, fiyatlar ekinci sefer deñiştirilmeycek», – dep ayttı Zotoviç.
Yanvar 1-de Qırımda eali içün gaz fiyatı 10%-ğa artacaq. Ballon gazı fiyatı ise, bir ballon içün 760 ruble teşkil etecek.
