Tünevin, dekabr 22-de Qırım qurtarıcıları Aqmescitteki 60 let Oktâbrâ soqağı rayonında tahminen üç saat devamında çuqurdan «Gazel» avtomobilini çıqara edi.
Fevqulade vaziyetler nazirligi Qırım idaresiniñ matbuat hızmetinde bildirgenlerine köre, saat 19.40-ta operativ nevbetçige haber keldi ki, gaz balonı tertibatınen teminlengen maşna yolda arqa köpçeginen çuqurğa oğradı.
FVN matbuat hızmetinde bildirdiler ki, maşna çuqurğa oğrağan yerde bir-eki kün evel kommunal hızmetler tamir işlerini alıp barğan edi, bundan soñ diametr bir metrni teşkil etken çuqur çaqıl ile toldurıldı. Aşada suv toplandı ve çaqılnı alıp ketti, çuqur üstü ise buz oldı. Bundan sebep, aydayıcı onı körmedi ve çuqurğa oğradı.
Avdetniñ bildirgenine köre, Qırım yol hızmetleri hadimleri asfalt qoyğanda devlet qaide ve talaplarını körmemezlikke ura. Böyle etip, meselâ, şaatlarnıñ qayd etkenlerine köre, Aqmescitte (Simferopol) asfalt tamam qarğa qoyulğan. Qırım kommunal hızmetleri hadimleri yolda tamir işlerini, ava arareti +1 dereceni teşkil etkenine ve boran üküm sürgenine baqmadan, alıp barğan edi.
