Yaltada Qırımnıñ cenübiy yalısında ilk bala filarmoniyası açıldı.
Şeer memuriyeti matbuat hızmetiniñ bildirgenine köre, filarmoniya Qırımda eñ qadimiy A.A. Spendiarov adına muzıka mektebiniñ esasında çalışacaq.
«Tantanalı açılış merasimi çerçivesinde Qırım Cumhuriyeti medeniyet naziri Arina Novoselskayadan hayırlav mektübi oquldı, o yerde qayd etile ki, Bala filarmoniyasınıñ teşkil etilmesi Qırım medeniyet ayatında büyük bir vaqia ola, çünki klassik muzıka – ilham ve icat bayramıdır, balalarnıñ icrasında ise yüksek muzıka – daima unutılmaz bayramdır», – dep aytıla beyanatta.
Açılış merasiminde kontsert programması taqdim etildi, yarımadanıñ çeşit köşelerinden kelgen kiçik Qırım sakinleri sanada bulundı.
