Qırımda 18 yaşındaki qız eki mektep talebesini maşnanen urdı (VİDEO)

24.12.20169:15

VAZ-2114 avtomobiliniñ yaş aydayıcısı Keriçte Çkalov soqağında yolnı cayav keçitinden keçken eki mektep talebesini urdı.

Bu aqta «Krıminform», Yol areketi devlet hızmetiniñ malümatına esaslanıp, bildire.

«9 ve 10 yaşındaki eki balanı urdılar. Olar mektepten kete edi. Maşnalar piyadelerge yol bermek içün toqtadı, amma artından ketken aydayıcı ozıp keçti ve balalarnı urdı», – dep añlattılar matbuat hızmetinde.

Devlet avto inspektsiyasınıñ malümatına binaen, avtomobil dümeni başında 18 yaşındaki qız bar edi, o yaqında aydayıcı şeadetnamesini aldı.

Zararlanğan balalardan biriniñ qapalı qafa-miy yarası ve miy sarsuvı, digeriniñ ise, yaraları bar.

Author: Редакция Avdet

Avdet gazetası