Bazar künü, dekabr 25-te 12 yaşındaki qız, Anğara boğazında çana tayıp, belkemik yarasını aldı.
Boğazda nevbette turğan «Krım-Spas» Aqmescit qazaiy-qurtarıcı taqımı qızğa ilk yardım kösterdi.
Aluşta sakini olğan qız tahliye etildi ve acele tibbiy yardım hadimlerine teslim etildi.
Fevqulade vaziyetler nazirligi Qırım idaresiniñ matbuat hızmetinde hatırlattılar ki, afta soñu ve bayram künleri, bunen beraber, yarımadada ava vaziyeti yaramaylaşqanı sebebinden, Aqmescit, Aluşta, Yalta, Sudaq ve Kefe «Krım-Spas» qazaiy-qurtarıcı taqımları dağ-orman zonalarında patrul ete.
Bundan da ğayrı, Anğara boğazında ve Ay-Petri dağında vaqtınca çalışqan mobil qazaiy-qurtarıcı noqtalar işini devam ete, bu yerde vatandaşlar kerekli yardım ala bile. Böyle noqtalar qurtarıcı aletler ve radiobağnen teminlengen. Bunen beraber, bu yerde avtomobillerni buksirge almaq içün mahsus tehnika bar. Kerek olğanda, qazaiy-qurtarıcı noqtağa acele tibbiy yardım çağırıla bile.
