Qırım prokuraturasınıñ yolbaşçısı vazifesine Moskva prokurorınıñ birinci muavini oldı

28.12.201618:05

Qırım Cumhuriyeti Devlet şurasınıñ deputatları cumhuriyetniñ yañı prokurorı vazifesine namzetni uyğunlaştı.

Alâqalı qarar bugün, dekabr 28-de nevbetten tış keçirilgen toplaşuvda qabul etildi.

Bundan evel Oleg Kaşmilov Moskva prokurorınıñ birinci muavini edi. Onı yarımadağa Rusiye Federatsiyası baş prokurorı yolladı.

Moskvada Kaşmilov federal qanunlarğa riayet etüv nezareti boyunca idare etüv, şeerniñ devlet ükümeti qanun çıqarıcı (temsilci) ve icra organları ile işbirlik tutuv meselelerini baqa edi.

Oleg Kaşmilov Omsk vilâyetinde doğdı, Omsk şeer prokurorınıñ birinci muavini, Krasnoyarsk ülkesi prokurorınıñ muavini vazifelerini icra etken edi. O, Moskva prokurorınıñ muavini vazifesinde 2015 senesi noyabr 24-ten buluna edi, dep bildire «Krımskaya gazeta».