Bugün, dekabr 30-da Aqmescit ava limanından uçaqlar dört saatqa qadar keçiktirilip çıqa.
Hatırlatamız ki, Fevqulade vaziyetler nazirliginiñ Qırım idaresi yarımadada dekabr 29-30 künleri furtuna havfını ilân etti.
Online-tablodaki malümatqa binaen, eñ çoq Soçi şeerine ketken yolcular beklemek mecbur oldı. «Orenburjye» ava şirketiniñ seferi aman-aman dört yarım saatqa keçiktirildi. Saat 15.30-ğa qadar yedi sefer keçiktirilgen edi. Uçaqlar üç yarım saatqa keçiktirile.
Ava limanı matbuat hızmetiniñ bildirdiler ki, seferlerniñ keçiktirilmesi, ava vaziyetinen degil de, uçaqlarnıñ Qırım paytahtına keç kelgeninen bağlı.