Aqmescit rayonındaki bir qaç köy elektrik energiyasız qaldı.
Böyleliknen, içtimaiy ağlar qullanıcıları bildire ki, tünevinki künden saat 18-den başlap Davıdovka köyünde yarıq yoq, Nikolayevkada ise yarıq toqtap-toqtap berile. Yerli sakinlerniñ sözlerine köre, bunıñ sebebi, yaramay ava vaziyetidir.
Bunen beraber bildirile ki, Mamaq (Strogonovka), Qulçuq (Rodnikovoye) köyleriniñ sakinleri de yarıqsız qaldı.
Bundan da ğayrı, Petrovskiye visoti qasabasında tünevin aqşam yüksek kerginlik berilgeni neticesinde elektrik stantsiyası yandı. Tahminen 800 insan elektrik energiyasız qaldı.
Yerli sakinlerniñ sözlerine köre, «Krımenergo» dispetçer hızmetinde bildirdiler ki, abonent ağları tamir etilmeycek.
«Nasıl, yani? Fişenk yaptıñız – ateşni ise özüñiz söndüriñiz, yoqsa?» – dep narazılıq bildirdi bu qasabada yaşağan mühbir Şevket Ganiyev Facebook saifesinde.
