Qırım baş mimarı istifağa çıqmaq içün ariza berdi

30.12.201610:20

Qırım qurucılıq ve mimarcılıq naziriniñ muavini, cumhuriyetniñ baş mimarı Aleksandr Kuznetsov öz isteginen istifağa çıqmaq içün ariza berdi.

Bu aqta «Novosti Krıma» agentligi, Qırım Nazirler şurasında menbalarnıñ malümatına esaslanıp, bildire.

«Öz isteginen arizanı Qırım baş mimarı Aleksandr Kuznetsov yazdı», – dep añlattı agenlikniñ subetdeşi.

Kubanda nam qazanğan mimar Aleksandr Kuznetsov bu vazifede 2015 senesi mayıs ayından buluna edi.

Bundan evel belli oldı ki, Qırım baş naziriniñ muavini Oleg Kazurin öz isteginen istifağa çıqmaq içün ariza bergen, Qırım Kapital qurucılıq hızmeti yolbaşçısı İvan Poyda teşkerüv keçirilgen müddetke vazifesinden boşatıldı.

Oktâbr 31-de Aqmescit baş mimarı Ernst Mavlütov vazifesinden boşatıldı. Bundan evel Sergey Aksönov qanunsız qurucılıqqa qarşı Qırım mimarlarınıñ küreşinde yapqan areketlerinden memnün olmağanını bildirdi.

Фото аватара

Автор: Редакция Avdet

Редакция AVDET