Qırımnıñ İçki (Sovetskoye) rayonında yanvar 4-ten başlap fevqulade vaziyet kirsetildi.
Alâqalı qarar rayon memuriyeti tarafından alındı.
Yanvar 4-te Fevqulade vaziyetler boyunca komissiyanıñ toplaşuvında, Çatmış (Dmitrovka) köyünde domuzlarnıñ kütleviy ölümi munasebetinen, Afrika vebası (çuma) tarqatıluvı havfı aqqında mesele baqıldı.
Toplaşuv neticesinde işbu vaziyetniñ belediye seviyesinde fevqulade olğanını tanımaq qararı alındı.
Rayonda vatandaşlar körüşüvi keçirildi, köylerara yollar qapatıldı, nezaret noqtaları qoyuldı, mal ekimi hızmeti ve İçki işler nazirligi bölüginiñ celp etilmesi ile köy azbarları teşkerildi.
2016 senesi noyabr ayında Qırımnıñ Yedi Quyu rayonında karantin kirsetildi. Bu yerde Afrika domuz vebası (çuma) hastalığı qayd etildi.
