Aqmescit sakinleri şeer merkezindeki tamir işleriniñ neticelerine şaşa

06.01.201718:20

Aqmescit (Simferopol) merkeziniñ büyük tamirlenüvi yekünlene. Şeer sakinleri ava arareti -10 derece olğanda qoyulğan qaldırımnıñ ilk fotoresimlerini içtimaiy ağlarda paylaşa.

Qıyış qoyulğan qaldırım taşçıqları, totlu quyu qapaqları ve yağmur kanalizatsiyası parmaqlıqları, yañlış qoyulğan fener direkleri ve qaldırım şemmaları piyadeler içün havflı tura.

İçtimaiy ağlar qullanıcıları ayta ki, bundan evel Karl Marks ve Puşkin soqaqlarınıñ körünişi daa güzel edi, böyle tamirge ise diversiya dep aytalar.

«Ne qadar alçaq adam olmaq kerek ki, Aqmescit sakinlerine bu boqnı alıp bermek içün – afu etiñiz, başqa söz tapalmayım. Qıtayda böyle şey içün, ğaliba, öldürir ediler, em de halq ögünde. Nasıldır arap devletinde, eñ yahşısı, – esas meydanda qamçılar ediler, soñra, bütün mal-mülkünden marum etip, çoq yılğa apiske qapatır ediler. Çünki bu, iş degil, dostlar, bu, hırsızlıqtır», – dep yazdı Qırım paytahtı sakini, evel müendis-qurucı olıp çalışqan Yevgeniy Bondarenko Facebook saifesinde.

Onıñ fikrince, şeer akimiyetiniñ böyle işinen rusiyeli prokuraturada meraqlanmaq kerekler.

Avdetniñ evel bildirgenine köre, Aqmescit merkezinde işçiler qaldırım taşçıqlarını ava arareti -10 dereceni teşkil etkende qoya edi. İşler, qarantlıq tüşken soñ da devam etken edi.

Bundan da ğayrı, Qırım blogeri Aleksandr Gorniy «Eho Moskvı» saytında «Diversantlar Aqmescit merkezine sürip kirdi» serlevalı fotoreportajnı paylaşıp, Aqmescit merkezindeki tamirni diversiya dep adlandırdı.

плитка в центре симферополя

реконструкция центра симферополя

реконструкция центра симферополя

реконструкция центра Симферополя

реконструкция центра симферополя
Fenerniñ temeli qaldırım taşçıqları üstünde turmaq kerek.
Крышки люков ржавые, уложены с огромными швами, грубо порезанными кусками плитки вокруг и в разных уровнях
Quyu qapaqları totlu ve bularnıñ etraflarında keskin kesilgen taşçıqlar parçaları farqlı seviyelerde qoyulğan.
реконструкция центра симферополя
Taşçıqlar ve qaldırım şemmalarınıñ büyükligi uyğunlaştırılmağan.
реконструкция центра симферополя
Qaldırım şemmaları farqlı seviyelerde qoyulğan. Bularnıñ bazıları piyadeler içün havflıdır.

реконструкция в центре симферополя

реконструкция центра симферополя

Foto: Yevgeniy Bondarenko

Фото аватара

Автор: Редакция Avdet

Редакция AVDET