Yanvar 6-da Aqyar (Sevastopol) merkezindeki Artilleriyskaya körfezinde belli olmağan şahıs rusiyeli bayraqnı yaqmağa tırıştı.
Aqay kişini, o, rusiyeli ükümetke nisbeten qorquzma sözlerini qıçırğanda, şahsiy qoruv müessisesiniñ temsilcileri tuttı.
Vaqia yüz bergen yerge kelgen politsiya hadimlerine qarşılıq kösterildi. Aqay kişi bir qaç kere politsiya hadimini urdı ve qaçmağa tırıştı, dep bildire «RİA Novosti».
Şimdiki vaqıtta politsiya hadimleri şeer merkezinde Rusiye bayrağını yaqmağa tırışqan aqaynen bağlı vaqia şaraitini ögrene.
Aqyar uquq qoruyıcı organlarında menba «RİA Novosti» agentligine bildirgen malümatqa köre, soñki 2,5 yıl devamında politsiya hadimleri ilk sefer böyle tecavuzğa rastkeldi.
«Bir sıra aqaretleyici sözler, aqay kişiden spirt qoqusı kele edi, amma oña sarğuş dep aytmazsıñ», – dep ayttı agentlikniñ subetdeşi.
