Aqyarda ömür seviyesi Rusiyede eñ alçaq sayıldı

09.01.201711:06

Aqyar rusiyeli regionlar arasında ömür seviyesi

boyunca soñki yerni aldı. «Profil» mecmuası cedvelni derc etti.

Reyting tizilgende, iqtisadiy inkişaf seviyesi ve dinamikası, ömür keyfiyeti, bu cümleden, ealiniñ aylıqları, ev ve şahsiy naqliyenen teminlenmesi, emek saasında vaziyet köz ögüne alındı.

Aqyarda Rusiyede eñ alçaq ealiniñ bir canına regional ğayrı safi mahsulat qayd etilgen – Qırımğa köre, 40 faiz azca, ve eñ alçaq orta aylıq köstergiçlerinden biri qayd etilgen – 18 biñ 721 ruble (2016 senesi sentâbr ayınıñ köstergiçlerine binaen).

İnkişaf seviyesi boyunca şeer 75-ci yerni aldı, Çeçenistan ve Tıvanı artta qaldırıp, amma Kabardin-Balkariyanı ögge yiberdi. İqtisadiy dinamika boyunca ise Aqyar 4-ci yerde yerleşti – eñ yahşı köstergiçlerni tek İnguşetiya, Qırım ve Dağıstan kösterdi.

Фото аватара

Автор: Редакция Avdet

Редакция AVDET