Eki qırımtatar qadını, Ukrainanıñ muvafaqiyetli qadınları sayıldı

09.01.20179:10

Yırcı ve bestekâr, Ukraina halq artisti Jamala ve Geniçesk rayon devlet memuriyeti yolbaşçısınıñ muavini Gulnara Bekirova 2016 senesi Ukrainanıñ muvafaqiyetli qadınları sayıldı. Olarnıñ ömür ikâyeleri «Muvafaqiyetli qadın» kitabına kirsetildi.

«Muvafaqiyetli qadın» informatsion-neşriyat leyhası, muvafaqiyetli ve maqsatkâr qadınlarnıñ devlet ayatında yüksek içtimaiy statusını köstermek maqsadınen tesis etildi.

Kitap, er kün yapqan işinen devlet inkişafına büyük içtimaiy-iqtisadiy isse qoşqan, tek devlette degil de, amma çetel memleketlerde de tanılğan ayrı şahıslarğa ya da mütehassıs qadınlar taqımlarına ürmet ve sayğı köstermege imkân bere.

Neşirniñ ortaqları olaraq, hususan, vilâyet, rayon deputat şuraları ve memuriyetleri, Ukraina qadınları birligi qayd etile, dep bildire «Qırım.Aqiqat».