Kezlevde aqquşlar öle

09.01.201716:00

Kezlev (Yevpatoriya) yanındaki Sasıq Sivaş gölünde suvuqtan aqquşlar öle.

Bu aqta Fevqulade vaziyetler nazirliginiñ Qırım idaresine yerli sakinler bildirdi.

Buzlağan göl üstünde tahminen yüz aqquş qaldı, eki quş suvuqtan öldi, daa ekisi öz küçünen areket etip olamay. Aqquşlarnı qurtarmaq ve olarnı buzdan suvğa ketirmek içün dalıcılar celp etildi. Eki küçsüz qalğan aqquş göñüllilerge qızdırıluv içün berildi.

Fevqulade vaziyetler nazirliginiñ Qırım idaresinde quşlarğa yardım köstermege çağırdılar.

«Ava vaziyeti kergin olğanda, tek adamlarğa degil de, amma quşlarğa da yardım kerek! Pervasız olmañız: imkânına köre yardım etiñiz. Böyle imkân olmasa, cep telefonlarından «101» ve «010» nomerleri vastasınen qurtaruv hızmetine muracaat etiñiz», – dep ayttı qurtarıcılar.

lebedi2

lebedi1

Author: Редакция Avdet

Avdet gazetası