Aqmescit akimiyeti suvuqtan bozulğan yollarnıñ tamirlenüvi içün daa 100 million soracaq

10.01.20178:56

Aqmescit (Simferopol) memuriyeti Qırım ükümetinden qış suvuqlarından pek zararlanğan yollarnıñ tamirlenüvine qoşma 100 millon ruble soracaq.

Bu aqta bugün Qırım paytahtı memuriyeti yolbaşçısı Gennadiy Baharev bildirdi.

«Bu, kerçekten de, ciddiy bir mesele. Biz esapladıq, daa qoşma 100 million ruble kerek. Bugün bu malümatnı cumhuriyet yolbaşçısına bildirmege tırışacam, biz onen bu meseleni endi muzakere etken edik. Elbet, şeer öz küçünen bunı yapalmaz. Eki yıl içinde yollarnıñ tek 8 faizi yapılğan. Ukraina vaqtında olğan o tamirler boyunca kefil müddetlerini işni ömürge keçirgen şirketlerge taqdim etip olamaymız. Bunı endi öz küçünen tüzetmek kerek», – dep bildire «Krıminform» Baharevniñ sözlerini.

O, qayd etti ki, soñki eki yıl devamında tamir etilgen ve naqliye areketine ve suvuqlarğa dayanmağan yollar işni ömürge keçirgen şirketler tarafından kefil mecburiyetleri çerçivesinde yañıdan tamir etilecek.

simferopol_remont-dorog_2

simferopol_remont-dorog_1

Foto: Автопартнер Крым | ДТП ДПС ПДД

Фото аватара

Автор: Редакция Avdet

Редакция AVDET