Qırımtatar yaşları Sudaqtaki milliy areket iştirakçisiniñ müzeyini ziyaret etecek

13.01.201711:15

«Medeniy Qırım» faalleri Sudaqta yaşağan milliy areketniñ faal iştirakçisi İlver Ametovnıñ müzeyini ziyaret etmege davet ete.

Bir qaç yıl evel İlver Ametov vatandaşlar ve Sudaq musafirleri içün, qırımtatar halqı tarihı ve onıñ milliy areketi aqqında añlatqan eski ve unikal eşyalarnıñ şahsiy toplamını açtı.

«İlver ağanıñ müzey eksponatları arasında çoq özgün şeyler bar, olarnıñ bazıları orta asırğa ait. Bu, milliy silâ çeşitleri, çölmekçilik eşyaları, para, ilvanlar, fotoresimler, qırımtatarlarnıñ yaşayış eşyaları ve orta asır askeriniñ urbası nushasıdır», – dep bildire «Medeniy Qırım» faalleri.

музей

Ziyaret yanvar 15-ke planlaştırılğan. Çıqış: saat 10:00-da Aqmescitteki «Vostoçnaya» avtostantsiyasından (Svoboda).

Nevbetteki telefon nomeri vastasınen cedvelge yazılmaq mümkün: +79788623740. Yerler sıñırlı!

Author: Редакция Avdet

Avdet gazetası