Qırım köylerinde bala bağçası içün para tölevi lâğu etilecektir

14.01.201713:15

Qırımda 2018 senesinden başlap köylerde yerleşken bala bağçalarında balalarnıñ bulunması içün para tölevi lâğu etilecek.

Bu aqta Qırım yolbaşçısı Sergey Aksönov bildirdi.

«Yaqın vaqıtta köy rayonlarında bala bağçalarında balalarnıñ bulunması içün ana-babalarından para alınmasını lâğu etmek imkânını baqmaq kerek. Köylerde adamlarnıñ maddiy taraftan vaziyeti pek yahşı degil, bunıñ içün, mence, böyle bir şey yapsaq, doğru olur», – dep ayttı Aksönov.

Baş nazir muavini Alla Paşkunovanıñ malümatına binaen, işbu programma Qırım büceti içün tahminen milliard rubleni teşkil etecek. Böyle imkânnıñ 2018 senesinden başlap işke tüşürilmesi teklif etilgen, dep bildire Nazirler şurasınıñ matbuat hızmeti.

Фото аватара

Автор: Редакция Avdet

Редакция AVDET