Qırımda cumhuriyetniñ baş mimarı Aleksandr Kuznetsovnıñ vazifesinden boşatılması aqqında ferman imzalandı.
Alâqalı vesiqa yanvar 16-da Qırım ükümetiniñ resmiy portalında derc etildi.
«Aleksandr Kuznetsovnı Qırım Cumhuriyeti qurucılıq ve mimarcılıq naziriniñ muavini – cumhuriyetniñ baş mimarı – vazifesinden öz isteginen bergen arizağa binaen boşatmaq», – dep aytıla vesiqada.
Avdetniñ bildirgenine köre, Aleksandr Kuznetsov öz isteginen istifağa çıqmaq içün arizanı keçken seneniñ soñunda berdi.
Kubanda nam qazanğan mimar Aleksandr Kuznetsov bu vazifede 2015 senesi mayıs ayından buluna edi.
Oktâbr 31-de Aqmescit baş mimarı Ernst Mavlütov vazifesinden boşatıldı. Bundan evel Sergey Aksönov qanunsız qurucılıqqa qarşı Qırım mimarlarınıñ küreşinde yapqan areketlerinden memnün olmağanını bildirdi.
