Fevqulade vaziyetler nazirligi Qırım sakinlerine cumaaqşamı künü şiddetli yel ve buzlavuq olacağı aqqında haber ete.
Bu aqta Fevqulade vaziyetler nazirliginiñ Qırım boyunca baş idaresi matbuat hızmeti bildirdi.
«Qırım gidrometeorologiya ve etraftaki müitni nezaret etüv boyunca idaresiniñ malümatına binaen, Qırımda şiddetli buzlavuq, şimal-şarqiy yel saniyede 15-20 metr suratınen esecegi beklenile», – dep aytıla beyanatta.
Yanvar 19: Bulutlı ava. Bazı yerlerde qar yağacaq, buzlavuq olacaq. Saniyede 7-12 metr, bazı yerlerde 18 metr suratınen şimal-şarqiy yel esecek. Ava arareti gece -2…-4º, kündüz -1…-3 dereceni teşkil etecek.
Yanvar 20: Deñişici bulutlı ava. Yağanaqlar olmaz. Yollarda buzlavuq. Saniyede 7-12 metr, bazı yerlerde 15 metr suratınen şimal-şarqiy yel esecek. Ava arareti gece -5…-7º, kündüz 0…-2 dereceni teşkil etecek.
Yanvar 21: Deñişici bulutlı ava. Gece yağanaqlar olmaz, kündüz qar yağması mümkün. Yollarda buzlavuq. Saniyede 7-12 metr, bazı yerlerde 17 metr suratınen şimal-ğarbiy yel esecek. Ava arareti gece -8…-10º, kündüz -1…+1 dereceni teşkil etecek.
