«Artek» lageri binalarınıñ biri yarıqsız qaldı

19.01.20179:30

Yanvar 18-de saat 19:00-da  Gurzuf sakinleri «Artek» bala lageri tarafından kelgen patlav sesine oşağan bir ses eşitti.

Halqara bala merkeziniñ müdiri Aleksey Kasprjaknıñ sözlerine köre, bunıñ sebebi, «Morskoy» lageri binalarınıñ birinde konditsioner bozulğanı oldı. Qaza neticesinde teller zararlandı.

«Plan boyunca işler keçirilgen vaqıtta «Morskoy» lageri binalarınıñ birinde konditsionerniñ tışqı bloku zararlandı, bunen beraber teller zararlandı, – dep ayttı lager müdiri. – Kimse zararlanmadı, amma binada yarıq yoq. Şimdi havfsızlıqnı teminlemek içün teşkiliy işler alıp baramız».

Balalar bu binadan diger binağa keçirildi.

Küçlü konditsionerler binalarda mikroiklimni teminley, ve sene devamında kerekli ava araretini saqlay, dep bildire «Primeçaniya».

Author: Редакция Avdet

Avdet gazetası