Bu sene Qırım sakinleri topraq ve taşınmaz mallar içün bergi tölemeycek

20.01.201710:05

Qırımda mülk ve topraq berginiñ 2018 senesi işke tüşürilmesi planlaştırıla. Bunıñ içün bu sene Qırım sakinleri böyle bergilerni tölemeycek.

Federal bergi hızmeti Qırım boyunca idaresiniñ yolbaşçısı Roman Nazdraçevniñ sözlerine binaen, bu, mal-mülk ve topraqnıñ kadastr fiyatı kesüvi boyunca işler daa yekünlenmegeninen bağlıdır.

«Şimdiki vaqıtta fizikiy şahıslarnıñ mülküne bergi belgilev aqqında laf etmek daa ertedir. Bu olsa da, 2018 senesinden evel olmaz. Yani, 2017 senesi yarımada sakinleri ne topraq, ne de mülk bergisini töleycek», – dep ayttı Nazdraçev.

Bunen beraber o, kelecek senesinden başlap bergi hızmetiniñ elinde bergi tölegenlerniñ tolu malümat cedveli olacağına ümüt beslegenini qayd etti.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET