Moskva ve Sankt-Peterburg şeerlerinde qırımtatarlarğa destek aktsiyaları keçirildi

21.01.20179:32

Sankt-Peterburg şeerinde üçünci sefer ananeviy «Strategiya-18» aktsiyası keçirildi. Teşkilâtçılar merasimni er aynıñ 18-inde teşkil ete.

Faal Yevgeniya Litvinovanıñ sözlerine binaen, bu sefer aktsiyalar yaqalavsız ve ücümsiz keçti.

«Belli oldı ki, RF vatandaşına Peterburgda daimiy qayd etüv olmadan 90 künden ziyade bulunmaq mümkün degil. İştirakçilerden biri bundan sebep aktsiyanı toqtatmaq mecbur oldı», – dep añlattı Litvinova.

«Strategiya-18» bir kişilik piketleri aktsiyası yaqalanğan qırımtatarlarnı – «Hizb ut-Tahrir» işi boyunca yaqalanğan Vadim Siruk, Emir-Üsein Kuku, Enver Bekirov, Muslim Aliyevni – azat etmek talabınen Moskva şeerinde de keçirildi. Bundan da ğayrı, faaller Qırımdan sürgün etilgen Nedim Halilovnıñ vatanğa qaytarılmasını talap etti.

İlk sefer qırımtatarlarğa destek olaraq «Strategiya-18» bir kişilik piketleri noyabr 18-de Sankt-Peterburg şeerinde keçirildi. Aktsiya teşebbüsçileri, çeşit demokratik firqalar ve areketlerden vatandaş faaleriniñ gruppası oldı. Avdetniñ bildirgenine köre, dekabr 18-de Sankt-Peterburg şeerinde keçirilgen aktsiya devamında belli olmağan şahıslar miting keçirgenlerniñ bazılarına ücüm etti.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

стратегия18.1стратегия18.2стратегия18.3

стратегия18.4

стратегия18.5

стратегия18.6стратегия18