Aqmescit (Simferopol) şeerine yük maşnaları keçüvi yasaq etilüvi boyunca fevral soñuna qadar şeer sakinleriniñ rey bermek aqqı bar.
«Aktivnıy Simferopol» («Faal Aqmescit») saytında rey bermek mümkün.
Şeer memuriyetiniñ malümatına binaen, naqliye meselesi çoqtan muzakere etile, ve vatandaşlarnıñ fikri, olar içün müimdir. Şeer sakinleriniñ fikrini bilüv memuriyetke doğru qarar almağa yardım etecek, bu ise şeer infrastrukturasınıñ inkişafına ve şeer sakinleriniñ ömür seviyesiniñ yükselüvine yol berecektir.
Qayd etmek kerek ki, bundan evel memuriyetke yük maşnalarınıñ şeerge keçüvini, yengil maşnalarğa ise merkezge keçüvni yasaq etmek teklifi kelgen edi. Böyleliknen, şeerde tıqanıqlıqlar yoq etilecektir.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
