Sarabuzda ev yandı

23.01.20179:10

Aqmescit rayonındaki Sarabuz (Gvardeyskoye) köyünde gece yüz bergen yanğın sebebinden üç qatlı binanıñ sakinleri tahliye etildi.

Fevqulade vaziyetler nazirliginiñ Qırım idaresi matbuat hızmetiniñ bildirgenine köre, vaqia Ostrâkova soqağındaki evde yüz berdi. Yanğın aqqında haber nevbetçige cumaertesi künü saba keldi.

Bu yerge kelgen qurtarıcılar belgiledi ki, yanğın çoq qatlı binanıñ üçünci qatında yüz berdi. Ateş 45 kvadrat metrni qaplap aldı, ev sakinleri tahliye etildi.

Vaqia neticesinde kimse zararlanmadı. Ekspertler yanğın sebebini ögrene.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Author: Редакция Avdet

Avdet gazetası