Aqmescitte (Simferopol) yanvar ayında Qırım ilâhiyatçısı, fıqıh (islâm uquqı) magistri Ayder İsmailovnıñ «Bidat ve qırımtatarlarnıñ diniy adetleri» kitabı neşir etildi.
Kitapta islâm alim-ilâhiyatçılarınıñ islâmda yañılıqlarnen (bidat) bağlı fikirleri ve noqta-i nazarları talil etile, bunen beraber, bu yañılıqlarnıñ Qırım musulmanlarınıñ diniy tecribesinde peyda olunuvı ve şimdiki vaqıtta qullanılması aqqında söz yürsetile.
Müellif bidat aqqında suallerge qırımtatarlarnıñ milliy-diniy adetlerine köre cevap bere, dep bildire Qırım musulmanları diniy idaresiniñ (QMDİ) matbuat hızmeti.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
