Qırımda yanvarnıñ soñki künleri suvuq olacaq

30.01.201711:10

Qırımda yañı aftanıñ başı suvuq ve yelli olacaq.

Bu aqta Qırım gidrometeorologik merkezi bildire.

Lâkin, sinoptiklerniñ malümatına binaen, afta soñu künlerine yaqın ava arareti +10 derecege qadar olacaqtır.

Aqmescitte ava bulutlı olacaq, çarşenbe kününe qadar qar yağması, yollarda buzlavuq, saniyede 7-12 metr, bazı yerlerde 17 metr suratınen yelniñ esmesi beklenile. Ava arareti gece -9-11, kündüz -6+1 dereceni teşkil etecektir. Aftanıñ soñunda gece +1+3, kündüz +8+10 derece olacaqtır.

Yaltada da bulutlı ava ve bazı vaqıtları qar yağması beklenile. Afta başında ava arareti gece -3-5, kündüz tahminen 0 dereceni teşkil etecek. Fevralnıñ ilk künleri kündüz ava arareti +8+10 dereceni teşkil etecektir.

Foto: Lübimıy Krım

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET