Qırımtatar qızı «Memleket sesi-7» yarışına keçti

30.01.201710:00

Aqmescit (Simferopol) sakini Naile İbraimova Ukrainanıñ esas şou olğan «Memleket sesi-7» yarışınıñ kör saylavından keçti.

Qızğa bütün dört idmancı, olardan birinci olaraq Potap ve Jamala, aylandı.

21 yaşındaki Naile İbraimova ayttı ki, o, muzıkanen professional seviyede oğraşmağan edi.

Özüne idmancı olaraq Jamalanı sayladı.

Jürilerden biri Sergey Babkin qızdan qırımtatar tilinde bir qaç satır yırlamasını rica etti.

Naile İbraimova «Bizim taraf» halq yırını yırladı ve Aq-Meçitte (Çernomorskoye) yaşağan ana-babasına selâmlar yolladı. Qız añlattı ki, o, qarışıq qorantada östi – anası rus, babası qırımtatar ola.

«Biz em musulman, em de hristian bayramlarını qayd etken edik», – dep ayttı o.

Naile ayttı ki, Qırımdaki vaqialar onıñ qorantasına qavğalar ketirdi.

«Qorantamızda qavğalar başlandı. Babam buña iç te razı degil edi, anam – özü Moskvadan – ayta: «Öyle de olmaq kerek». Men, aslında, babamnıñ qızı olam, ve menim içün onıñ er angi qasevetleri – menim qasevetlerimdir», – dep ayttı qız.

«Ümüt etem ki, sanağa çıqışım qorantamnı birleştirir ve bizde er şey evelki kibi olur», – dep ayttı Naile.

джамала

наиле ибраимова

Author: Редакция Avdet

Avdet gazetası