Aqmescitte balasınen ketken qadınnı maşna urdı

31.01.201712:25

Yanvar 30-da kündüz Aqmescitteki (Simferopol) General Vasilyev soqağında qaza yüz berdi, neticede qadın ve onıñ bala arabasında bulunğan evlâdı zararlandı.

Qırım boyunca Devlet avtoinspektsiyası matbuat hızmetiniñ bildirgenine köre, Ford Mondeo avtomobiliniñ 26 yaşındaki aydayıcısı 29 yaşındaki qadınnı ve onıñ balasını maşnanen urdı. Qayd etile ki, yolcu cayav keçiti olmağan yerde, yani keçüv içün kelişmegen yerde yolnı keçe edi.

Qaza neticesinde 29 yaşındaki yolcu qafa yarasını, bala ise, yüz yaralarını aldı.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET