Bugün mahkemede Ahtem Çiygoznıñ işi boyunca Sergey Aksönov şaat olaraq sorğuğa çekilecek

31.01.201713:10

Bugün, yanvar 31-de Qırım Yuqarı mahkemesinde Ahtem Çiygoznıñ işi boyunca nevbetteki toplaşuv keçirilecek. Mahkemege Qırım yolbaşçısı Sergey Aksönov keldi.

Bu aqta Çiygoznıñ adliyecisi Nikolay Polozov haber etti.

Onıñ malümatına binaen, Aksönov şaat olaraq sorğuğa çekilecek.

Bu künleri qırımtatar faali Ahtem Çiygoznıñ yaqalanuvından eki yıl toldı. O, 2014 senesi fevral 26-da Qırım parlamenti yanında kütleviy nizamsızlıqnı teşkil etkeninen qabaatlana. Belli olğanına köre, Sergey Aksönov da kütleviy aktsiyalarda iştirak etip, Rusiye tarafdarlarınıñ mitingine yolbaşçılıq etti.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız