Moskvada qırımtatarlarnı Amet-Han Sultan mezarına çiçekler ketirmege çağırdılar

31.01.20178:45

Faal İbraim Voyennıy Moskva qırımtatar diasporasını Jukovskiy şeerinden uçucı-veteranlarnen beraberlikte Novodeviçye mezarlığında Amet-Han Sultannıñ mezarını fevral 1-de, eki defa qaramannıñ elâk olğan künü, ziyaret etmege, çiçekler ketirmege ve onıñ hatırasına dua oqumağa çağırdı.

Adamlar Novodeviçye mezarlığınıñ baş kirişi yanında, saat 12.00-den 12.20-ge qadar toplaşacaq.

İbraim Voyennıy qayd etti ki, er sene fevral 1-de, aftanıñ angi künü olğanına baqmadan, Jukovskiy şeerinden uçucılar Novodeviçye mezarlığına kelip, Amet-Han Sultannıñ mezarını ziyaret ete.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET