Yaltada şeer yalı kenarınıñ yañı körünişini yapacaq leyhacılarnıñ ilk körüşüvi keçirildi. Toplaşuvnı Qırım Cumhuriyeti baş mimarı Anna Tsareva alıp bardı.
Şimdiki vaqıtta Yalta yalı kenarı bir kilometrden ibarettir, kelecekte ise, eki kilometrni teşkil etecek.
«Qırım yolbaşçısınıñ avalesinen, leyhacılarnıñ iş gruppası tizildi, olar yalı kenarınıñ üzlüksiz, bağlı, yahşı etip tüşünilgen körünişini işlep çıqarmağa başlar», – dep ayttı Anna Tsareva.
O qayd etti ki, yalı kenarında yerleşken bağçalar da leyhanıñ bir qısmı olur.
Uzun yalı kenarı Martyan burnundan «Çernomorye» şifahanesine qadar olacaqtır.
«Biz şekilni tapmaq kerekmiz. Bu adiy bir mimarcılıq şekilleri toplamı degildir. Ğaye, fikir, tarih olmalı», – dep muracaat etti Tsareva leyhacılarğa.
Yalta yañı yalı kenarı yapılmasına leyhacılar, qurucılar, cemaatçılıq ve talebeler celp etilecek. Bu mesele boyunca toplaşuvlar er afta keçirilecek, dep bildire «RİA-Krım».
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
