Afta soñu Qırımda yağmur yağacaq

03.02.201713:40

Fevral 4-5 künleri Qırım yarımadasında şiddetli yağmurlar yağacaq.

Bu aqta regional gidrometeorologik merkezi bildire.

Aqmescitte (Simferopol) ava bulutlı ve yağmurlı olacaq, saniyede 5-10 metr suratınen cenüp-ğarbiy yel esecek. Ava arareti gece +2+4, kündüz +7+9 dereceni teşkil etecek.

Aqyarda (Sevastopol) da ava bulutlı olacaq, cumaertesi künü yağmur yağmaycaqtır, bazar künü yağmur olması beklenile. Ava arareti gece +3+5, kündüz +7+9 dereceni teşkil etecektir.

Yaltada afta soñu yağmur yağacaq. Sinoptiklerniñ tahminlerine köre, saniyede 5-10 metr suratınen cenüp-ğarbiy yel esecek. Ava arareti gece ve kündüz +8+10 dereceni teşkil etecektir.

Kezlevde (Yevpatoriya) de aynı ava beklenile: em cumaertesi, em de bazar künü yağmur yağacaq. Ava arareti gece ve kündüz tahminen +6+8 dereceni teşkil etecek.

Keriçte ava deñişici bulutlı olacaq, yağmurlar yağacaq. Ava arareti gece +3+5, kündüz +6+8 dereceni teşkil etecek.

погода_крым

Author: Редакция Avdet

Avdet gazetası