50 Qırım talebesi ayrı stipendiya alacaq

06.02.201711:00

Qırımda oquğan elli talebege 2016-2017 oquv yılı ekinci semestrinde ayrı ad stipendiyaları berilecek.

Bu aqta Qırım parlamentiniñ matbuat hızmeti bildire.

Stipendiya 7 biñ 700 rubleden ibaret olacaq.

«Bu stipendiyalar akademik stipendiyağa qoşma olaraq berile», – dep qayd etti Konstantinov.

Böyleliknen, V.İ. Vernadskiy adına stipendiyanı V.İ. Vernadskiy adına Qırım federal universitetiniñ Tavriya akademiyası talebeleri alacaq. B.Ye. Paton adına stipendiya Qurucılıq ve mimarcılıq akademiyasınıñ talebelerine berilecek. V.A. Suhomlinskiy adına stipendiya Kezlev İçtimaiy ilimler institutınıñ 2-ci kurs talebesine berilecek.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız