Qırımda «Vetan sedası» radiosı çalışıp başladı

06.02.201715:40

Fevral 6-da Qırım yarımadasında «Vetan sedası» radio stantsiyası çalışıp başladı.

Devlet duması deputatı Ruslan Balbekniñ sözlerine köre, şimdilik onı Aqmescit (Simferopol) şeerinde ve Aqmescit rayonında diñlemek mümkün.

Memurnıñ bildirgenine köre, kelecekte radio bütün yarımada boyunca yayınlanacaq, dep bildire «RİA Krım».

«Vetan sedası» radiosı FM-diapazonda 99.5 MGts dalğasında yayınlay. Onı bütün kün, yani gece-kündüz diñlemek mümkün.

«Vetan sedası» radiosı «Millet» televizion ve radio şirketiniñ bölügi ola.

Hatırlatamız ki, tünevin, fevral 5-te, dünyada birinci qırımtatar Meydan radiosı 12 yaşını toldurdı. 2015 senesi aprel ayında işbu radio stantsiyası Qırımda işini toqtattı, çünki rusiyeli qayd etüv aqqında şeadetnameni alıp olamadı.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET