Bu afta Qırım yarımadasında ava kene de suvuq olacaq: rayonlarnıñ bazılarında gece ava arareti -9 dereceni teşkil etecektir.
Bu aqta Qırım gidrometeorologik merkezi bildire.
Aqmescitte (Simferopol) ava bulutlı olacaq, afta soñu qar yağacaqtır. Ava arareti gece +4+8 ve kündüz +8+12 derece, amma soñra kündüz -3-5 ve gece -6-8 dereceni teşkil etecektir. Saniyede 5-10 metr suratınen yel esecek.
Kezlevde (Yevpatoriya) salı kününe qadar issi ava olacaq: +6+8. Bundan soñ ava arareti sıfırğa qadar tüşecek, gece sıfırdan aşağı olacaq, cumaertesi künü ise -8 derece olacaqtır. Afta devamında bulutlı ava olması beklenile, yağmur ve qar yağması mümkün.
Aqyarda (Sevastopol) afta başında -12 derecege qadar, afta soñu kündüz sıfırğa yaqın, gece -3 derece olacaqtır. Yağmur ve qar yağması mümkün.
Yaltada cumaaqşamı kününe qadar sıcaq olacaq: kündüz +8+10 ve gece +4+8. Cumaertesi künü ava arareti 0-2 dereceni teşkil etecektir, sinoptiklerniñ tahminlerine köre, qar yağacaqtır.
Keriçte salı kününe qadar +8 derece, bundan soñ kündüz -3 ve gece -4-6 derece olacaqtır. Bütün afta devamında qar yağacaqtır.
