Tünevin aqşam Aqmescitte (Simferopol) Ford Scorpio maşnasınıñ aydayıcısı üç kütleviy qaza yaptı.
Qırım devlet avtoinspektsiyasınıñ malümatına binaen, qaza neticesinde bir insan zararlandı ve bir qaç avtomobil uruldı.
«38 yaşındaki Ford Scorpio avtomobiliniñ aydayıcısı, 60 let Oktâbrâ soqağındaki 24,28 evleri arasında areket etip, sağ tarafta park etilip turğan Daewoo maşnasına uruldı, soñra Chevrolet Lanos avtomobiline uruldı, bunıñ neticesinde Lanos terekke ve yanında turğan Daewoo ve Audi 90 avtomobillerine uruldı. Bundan soñ Ford areket etmege devam etti ve 28 sanlı evniñ köşesine uruldı, böyle etip, divarğa zarar ketirdi», – dep añlattılar Qırım Cumhuriyeti Yol areketi havfsızlığı devlet inspektsiyasınıñ matbuat hızmetinde.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
