Qırımda Qırımtatar Yaşlar Merkeziniñ faali vefat etti

08.02.201711:15

Bugün, fevral 8-de, komada çoq vaqıt devamında bulunğan Qırımtatar Yaşlar Merkeziniñ faali, Bağçasaray rayonındaki Teberti (Turgenevka) köyüniñ yerli meclis azası Lenur Üseinov reanimatsiyada vefat etti.

Bu aqta qırımtatar faali Eskender Bariyev Facebook saifesinde bildirdi.

«Bir qaç künden soñ o, 42 yaşını tolduracaq edi. Biz beraber östik. O, daima küleryüzlü, şeñ, namuslı ve faal bir insan edi», – dep yazdı o.

Cenaze bugün Bağçasaray rayonındaki Teberti köyünde qılınacaq.

Foto: Elmaz Adamanova