Aqmescit merkezinde üç maşnanıñ iştiragi ile qazada Lamborgini avtomobili zararlandı

10.02.201710:34

Fevral 9-da Aqmescitteki Merkez bazarı rayonında Kozlova soqağında üç maşnanıñ iştiragi ile qaza yüz berdi, bunıñ neticesinde qırmızı Lamborgini avtomobili zararlandı.

Avtomobilniñ bamper, qapılar, küzgüler, kapot ve köpçekleri zararlanğan. Şaatlarnıñ bildirgenlerine köre, qazada üç maşna iştirak etti –Lamborgini, Daewoo Matiz ve Skoda.

Vaqia şaatları qayd ete ki, qaza Daewoo Matiz aydayıcısınıñ qabaatı ile yüz berdi, o, keçken maşnağa yol bermedi. Aynı vaqıtta Skoda avtomobiliniñ aydayıcısı başqa fikirni bildirdi.

«Men tura edim, arqadaki vaziyetni köstergen küzgüde Matizni kördim, o maña uruldı, Lamborginini asılında körmedim, o, belki, yüksek suratnen ketkendir», – dep añlattı o «Krımskaya gazeta» mühbirine.

Yerli tükânlarnıñ birindeki satıcı ayttı ki, Lamborgini avtomobiliniñ aydayıcısı yüksek suratnen ketken edi.

«Men qırmızı maşnanıñ yüksek suratnen qaldırımda tamam maña ketkenini kördim», – dep ayttı qadın.

ламборджини

ламборджини2

ламборджини3

ламборджини5

Foto: Avtopartner Krım

Author: Редакция Avdet

Avdet gazetası