Ukraina ve Avropa birligi arasında vizasız nizam ne vaqıt işke tüşürilecegi belli oldı

10.02.20178:30

Brüssel kütleviy haber vastaları Ukraina ve Avropa birligi arasında vizasız nizam ne vaqıt işke tüşürilecegi aqqında haber etti.

Brüsselde «Radio Svoboda» mühbiri Rikard Yozvâk Twitterde 2017 senesi iyün 12 tarihını bildirdi.

Onıñ sözlerine köre, Gürcistanda vizasız nizam biraz ertece, 2017 senesi mart 29-dan kirsetilecek.

«Tahminlerge köre, vizasız rejim Gürcistan içün mart 29-da, Ukraina içün iyün 12-de işke tüşürilecektir», − dep yazdı mühbir.

Bundan evel bildirilgenine köre, Ukrainanen viza liberalizatsiyası boyunca trialog 2017 senesi fevral 28-de başlanmaq kerek. Onıñ yekünlengeninden soñ ukrain vizasız rejimi içün Avropa parlamenti rey bermek, soñra da Avropa birligi Şurası bunı tasdıqlamaq kerek.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız