Bu afta soñu, fevral 11-12 künleri, Qırımda bulutlı ava ve qar yağması beklenile. Yarımadanıñ şarqında deñiz buzladı.
Bu aqta Qırım Fevqulade vaziyetler nazirliginiñ matbuat hızmeti bildire.
Sinoptikler saniyede 17 metr suratınen esecek yelnen beraber qar yağması aqqında ayta. Ava arareti gece -7-12, cenübiy yalıda -1-4; kündüz 0-5, cenübiy yalıda +1+4 dereceni teşkil etecek.
Aqmescitte (Simferopol) deñişici bulutlı ava. Yağanaqlar yoq. Bazı yerlerde yelniñ suratı saniyede 17 metrge qadar yetecek. Ava arareti gece -8-10, kündüz -1-3 dereceni teşkil etecektir.
Aqyarda (Sevastopol) da ava bulutlı ve yağanaqsız olacaq. Saniyede 9-14 metr suratınen şimal-şarqiy yel esecek. Ava arareti gece -4-6, kündüz -2-4 dereceni teşkil etecek.
Keriç boğazında saniyede 14 metrge qadar suratınen şimal-şaqriy yel esecek. Yağanaqlar yoq. Dalğalar yüksekligi 7-12 detsimetrden ibaret. Azaq deñizi ve Keriç boğazında deñiz üstünde buz. Ava arareti gece -5-10, kündüz 0-5 dereceni teşkil etecektir.
Kelecek afta da Qırımda suvuq ava ve qar yağması beklenile.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
