2017 senesi «Qarılğaç yuvası» saray-isarında qayanı qaviyleştirüv boyunca leyha işleri alıp barılacaq, bular 2018 senesi, belki de, 2019 senesi ömürge keçirilecek.
Bu aqta isar müdiriniñ muavini Aleksandr Levin bildirdi.
«Obyekt unikaldır, dünyada başqa böyle yoq. Onıñ temeli – qaya. Eñ evelâ, qaynı qaviyleştirmek kerek. Çoq fikirler bar. Fikirlerden biri – inyektsiya yapılması. Qayadaki boş yerlerge mahsus madde töküle, bu qayanı qaviyleştire. Bizge aytılğanına köre, bütün bularnı yapmaq mümkün», – dep añlattı o.
Avrora qayasını qaviyleştirüv boyunca işler 2017 senesi devamında yapılacaq leyha-araştırıcı işler kompleksi bütünley keçirilgen soñ başlanacaqtır.
Bundan soñ saray-isar da tamir etilecek.
Leyha işleri yekünlengen soñ Avrora qayasınıñ qaviyleştirilüvi fiyatı ne olacağı belli olur.
«Qarılğaç yuvası» Qırım Cenübiy yalısınıñ timsali sayıla. ХХ asırda bina çoq vaqıt devamında boş tura edi, onıñ alı qazaiy edi. Er sene bu yerge yüz biñlerce turistler kele.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
