Refat Çubarov bildirdi ki, ukrain arbiy adamları ve «askerler» arasında dava bitti

13.02.201716:05

«Asker» batalyonı ve ukrain arbiy adamları arasında Çonğarda yüz bergen dava beklenilgen edi.

Böyle fikirni Qırımtatar Milliy Meclisiniñ (Rusiyede mahkeme tarafından 29.09.2016 s. yasaq etilgen) reisi, Ukraina halq deputatı Refat Çubarov bildirdi.

«Çonğardaki dava yekünlendi, amma bu beklenilgen bir şey edi, çünki Ukraina vatandaşları – Qırım sakinleri, em qırımtatarlar, em de diger milletlerniñ temsilcileri – hızmet ete bilecek Ukraina Silâlı quvetler ya da Milliy gvardiya terkibinde ayrı qırımtatar arbiy bölükniñ teşkil etilmesi aqqında qararnıñ qabul etilmesi pek sozuldı», – dep yazdı Çubarov Facebook saifesinde.

Onıñ sözlerine köre, «Asker» temsilcileri, böyle qararnı beklep, arbiy azırlıq alıp barğan edi, Ukraina sıñır ve gümrük hızmetlerine «Çoğar», «Çaplınka» ve «Kalançak» nezaret-keçirüv noqtalarında qıtaiy Ukraina ve Qırım arasında adamlar ve naqliye keçüvini nezaret etüv boyunca yardım köstergen edi.

«Bunen beraber, «Asker» cemaat birleşmesi tarafından ömürge keçirilgen daimiy vatandaşlıq nezareti em bu hızmet içün, em de digeri içün, yımşaq aytsaq, pek te oñaytlı degil edi», – рассказал Чубаровdep ayttı Çubarov.

Bundan da ğayrı, o qayd etti ki, «Asker» temsilcilerini yoq etmege sıñırda qanunsız biznes yapqan bazı iş adamları da tırışqan edi.

Refat Çubarov bildirdi ki, qırımtatar faalleri ve mesüliyetli şahıslar alâqalı nazirlikler, hızmetler ve bölüklerniñ yolbaşçıları ile daimiy şekilde bağ tuta.

Avdetniñ haber etkenine köre, fevral 12-den 13-ke keçer gecesi Çonğarda «Asker» batalyonına ücüm etildi. Bundan soñ belli oldı ki, ücüm, USQ-niñ 34-ci batalyonı 57-ci brigadası tarafından etildi. «Pivden» operativ komandanlığınıñ yolbaşçı terkibi bu vaqianıñ «qanunsız silâlı teşkilâtnı silâsızlandıruv» olğanını ayttı.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Author: Редакция Avdet

Avdet gazetası