Qırım Nazirler şurası reisiniñ sabıq muavini Oleg Kazurin, büyük miqdarda qabar alğanında şeklenilip, yaqalandı.
Rusiye Taqiqat komitetiniñ saytında bildirilgen malümatqa köre, keçken sene avgust ayından dekabr ayına qadar şeklenilgen insan ortaq vastasınen 27 million ruble miqdarında qabarnıñ bir qısmını aldı. O, «kerekli» qurucılıq şirketini Qırımda evler qurmaq içün añlaşma tizilgende yekâne temin etici olaraq belgilemek içün paranı talap etken edi.
Memurğa qarşı cinaiy iş açıldı.
Şimdiki vaqıtta şeklenilgen insan yaqalandı. Cinayetniñ bütün şaraiti ögrenile, dep aytıla Taqiqat komitetiniñ beyanatında.
Sergey Aksönov keçken sene işten boşatılğan sabıq muavininiñ yaqalanuvını tasdıqladı, dep bildire «RİA Novosti».
Telegramda kanalımızğa qoşulıñız ve eñ aktual ve meraqlı malümatlardan haberdar oluñız